بنتك لآمن عوى الذيب [ذيبه] ..!!

السلام عليكم ورحمة الله وبركـآته ..

يابوي جعلك للبقا والمكاسيب

عمري بدونك يالذرا وش ابي به .!!

يابوي تسأل عن شفاك المراقيب

طلعة سواتك للنّوايف غريبه

ليه المرض مايعرف الزّين والعيب؟

مايدري انك للمخاليق هيبه !!!

ابسألك وش بك غزا وجهك " الشيب "؟

والقلب لا يع والنواظرشحيبه

وش بك تحاتي لا نوى الموت تغريب ..

تخشى علينا الليالي [الكئيبه]

خذ دلتك .. واركي علي مسندالجيب ،،

وعطني[شماغك]بلثمه واحتمي به

ونروح لارض بها العشب والطيب !

وتسمع كلام [يالغلا] تحتفي به

يابوي بنتك لا نحكى بالتجاريب

كل يشهق لهيبها لصيت جيبه ..!!

يابوي ماني من سوات المخاريب

اللّي تجيب لعليَةالقوم خيبه

وماني من اللّي لامشت حفّها الرّيب

أنا من اللّي مايدنّس حليبه

مرفوع شاني عن غرام المكاتيب

وأكبر من انّني أرتضي بالحبيبه

أنا غرامي لابتدوا بالتّراحيب

نفوس الأوادم في وجودي رحيبه

وان كان [زيني] فتنة للمصاويب

احط وجهي بالحريق ولهيبه

زيني ابيعه واشتري سمعة الطيب

اسم ينومس بالصروح الذهيبه

وان كان عندي ( بالحلا) شي ٍاصعيب

عندي جدود ٍ مارضت بالغليبه

دموع القبايل في لقانا مساكيب

كن المقابرلاحضرناقريبه

خضّبت لك كفّي من العزتخضيب

ورفعت راسي للنّجوم الصّعيبه

والله لأسدّك بالفعول المصاليب

والله لأشيلك بالرخاوالمصيبه

طلع المعالي مانحكم للشّواريب

بنت ٍ وأناطح فارس القوم طيبه

وياشيخي ابشر لو تدور الدواليب

بنتك لآمن عوى الذيب [ذيبه] ..!!

ممــآآعجبني ..

» يا بوي انا بنتك وفيني سجاياك