مــــرثــــيّــــــــــة

دقات قلبي تزيد بحرّةٍ فيها
والدمع من مهجتي بالحزن ذرّافي
من لوعةٍ ياعسى ربي يجليها
حمّى غشتني بغم وتنفض اطرافي
ليت الليالي تعود بحلو ماضيها
هيهات ترجع بما روّح وما طافي
كلّن يعزّي وانا روحي اعزّيها
رحيل ابوي اللي بالأفضال معطافي
آآآآه من الوقت والدنيا افنيها
دنيا تفرق شمل بالحيل تنعافي
بسمتك يا والدي مانيب ناسيها
تضحك اذا شفتني بالخير متعافي
ليت العمر ساعته تنباع واشريها
بأغلى ثمن يا يبه للعمر تنضافي
مسجدك مشتاق للآيه وتاليها
منبرك من عقب ما فارقته طافي
غرشة دهن عودك بدرجك اغطيها
اشمّ ريحه وكأنك مقبلٍ لافي
نظّارتك شلتها حزني يبكيها
حتى المساويك لاحت بين الأرفافي
عصاك مسنودةٍ جيتا بأحاكيها
تقول يكفيني ما فيني ترى كافي
بستانك اللي به النخلات تسقيها
يبست سواقيه تمره دون خرّافي
يبه يبه يااا يبه يبه يبه يااا يبه
يبه يبه يااااا يبه لمن بأطرّيها
هاني من له ابو حيٍّ وينشافي
فنجال قهوة معاك اوقاتٍ اغليها
ويضمني بالشتات مشلحٍ دافي
همّزت رجليك انا افدى مواطيها
ارجي لبرّك عسى ماتشكي خلافي
الارض ضاقت علي بأوسع فيافيها
ما ذقت نومٍ هني والأنس متجافي
فضايلك ياااااايبه عجزان اوفّيها
لو صلت بالشعر بيت الألف من قافي
ياربي تجعله للفردوس ناصيها
ومن ثمار الجنان الخضر قطّافي

عضو بار المشاركات : 152 تاريخ التسجيل : 25/09/2009

السلام عليكم....
كلمات رائعة ...اللهم أحفظ والدينا ورحم موتا المسلمين أجمعين...
بارك الباري فيك غاليتي...

مؤثرة جداً

لا اذاقكـِ الله مـر الفرآق والفقدان

شكراً لكـ دانتي

عضو نشيط المشاركات : 58 تاريخ التسجيل : 07/12/2009

بوركتِ ..

أرتقبكِ ..

ومن الجنـة لآحرمتِ ...

~