.....أمطر تراب القبر بدموع عينك.....

المشاركات : 708 تاريخ التسجيل : 22/01/2009

هذة قصيدة لأم تعيش في دار المسنين تنثر كل أحزانها بصوت

الامومة لولدها الذي رماها وتركها من أجل خاطر زوجتة التي

رفضت العيش مع أمة؟؟ وتمر ثلاث سنوات ولم ترى فلذة كبدها

ولو مرة واحدة فكتبت هذة القصيدة :-

يامسندي قلبي على الدوم يطريك

ماغبت عنـي وطيفـك سمــــايـا

هذي ثلاث سنين والعين تبكيـــــك

ماشفت زولك زايـــرن يـا ضـــنايــــا

تذكر حياتي يوم أشيلك وأداريـــــك

والاعبك دايـــــــم وتمشـي ورايــــا

ترقد على صوتي حضني يدفيــــك

ماغيرك أحدن ساكنن في حشايـا

وليا مرضت أسهر بقربك وداريـــــك

ماذوق طعم النوم صبح ومســايــا

ياما عطيتك من حناني وبعطيــــك

تكبر وتكبـر بالامــــــــــل يـا منايــــا

لكن خسارة بعتني الـيوم وشفــيك

وأخلصت للزوجة وأنا لـــي شقايـــا

أنا أدري أنها قاسية مـا تخليــــــك

قالت عجـوزك مـا أبيهـا مــعايــــــا

خليتني وسط المصحة وأنا أرجيك

هذا جزا المعــــروف وهـذا جزايـــــا

ياليتنـي خدامـة بيـن أياديـــــــــك

من شأن أشوفــــك كل يوم برضايا

مشكور ياوليدي وتشكر مساعيك

وأدعـي لـك دايــــــــمـآ بالهـــــدايـا

حمدان يا حمدان أمـك توصيـــــــك

أخـــــاف ماتلحــق تشـوف الوصايـا

أوصيت دكـتــور المصحة بيـعطيــــك

رســـــالتي وحـــروفهـا مـن بكايــــا

وأن مت لاتبخــل علي بدعـــاويــك

وأطلب لــــي الغفــران وهذا رجايـا

وأمطر ترااب القبر بدمـــوع عينيــك

ما عــاد ينفعـــك النـدم والعنـــايـــا

منقول

::