..رضاها مابعد قد نلت..

المشاركات : 708 تاريخ التسجيل : 22/01/2009

قصيدة تصويرية للشاعر محمد بن حزام ..
في رثاء ( أمه)
أحببت نقلها لكم..

في ليلة مظلمة جتني..
على غير الوعد جتني..

تشيل الهم بيديها ..
وبقايا دمع تمحيها ..

دنت مني ..
وتناظرني ..
وتناظرني..

وتتفحص
يمين شمال ..
وشافت حال..
غير الحال ..

شماغ
ومكتبة ..
وعقال..

وقاعٍ احتضن معلاق..
وكوم أوراق..
بها لوعة هوى وفراق..

وفي ذاك الركن سجت..
وكن الأرض بي رجت ..

ماأبيها تكشف أوراقي..
ماأبيها تنظر أشواقي..

ولاأبيها بعد تعرف ..
بأني ماوفيت بيوم..

وإني الحارم المحروم..

ناديتها..
أبيها تفارق السجه..
ناديتها ,,
وأنا ماأملك الحجه..

وقلت أهلين يايمه ..
تعالي وزيحي الغمه..

تعالي ..
أشبعه شوفك..
تعالي ..
وأقبل باطن كفوفك..

ناديتها ..
وناديتها..
وناديتها..

وهي في غمرة السجه..
وتحتي الأرض مرتجه..

وفي لحظة ..
تلد بعينها صوبي..
تقول وليدي محبوبي..

تشوف الركن ..
وذاك الرف..
ودفتر طاح جنبه ظرف..

أبيك تجيب لي الدفتر..
لجل تقراه سطرٍ سطر..

أبي أعرف عن أسرارك..
وأغوص بغبة أغوارك..

وأشوف إن كان لي أوفيت ..
في بوحك وأشعارك..

نكست الراس ..
واحنيته..
ودمع الموق ..
هليته..

وقلت بخاطري والله..
أبد في يوم ماغبتي..

سكنتي فيني ..
وعشتي..

ولو قلتي : أنا ماأحس..
بقول ياليت مارحتي..

وقلت وقلت ومهما قلت..
رضاها مابعد قد نلت ..

وراحت ..
والمحتني بعين ..
وقالت ..
يابعد هالعين ..
شوف الظرف..
فوق الرف ..
أبي تقراه حرفٍ حرف..

وجيته والفكر محتار ..
وقلت بخاطري بقراه..

ولو بيصير ..
ومهما صار..

فتحته وارتعش جسمي..

لقيت أمي ..
فديت أمي ..
تقول إلحين لك عشرين..
وعمرك..
خمسه وعشرين..
ولاعمرك..
وأنا أمك..
في يوم من العمر ..
قد مر..
تذكرته..
غلا أمك..

رحمها الله رحمة واسعة ..

رحمها الله وأسكنها فسيح جناته

جنتي
لكــ جزيل الشكر

المشاركات : 708 تاريخ التسجيل : 22/01/2009

اللهم آمين..

والشكر لكِ دلوعة أهلها للطيف المرور..