مــــنــــــتـــــدى جـــــنــــــتــــــــــي


بر الوالدين طريقنا للجنة
 
الرئيسيةالبوابةبحـثالتسجيلدخولتفضلوا هنا أولاً

شاطر | 
 

 مواقف مضحكة للمعلمات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طلة قمر
عضو متألق
عضو متألق


المشاركات : 72
تاريخ التسجيل : 26/07/2011
انثى

مُساهمةموضوع: مواقف مضحكة للمعلمات   الخميس أغسطس 18, 2011 10:33 am

مره ايام المراجعه جتني وحده من الطالبات

وقالت لي ابله امس حلمت حلم حلو

قلت :خير اللهم اجعله خير

قالت: حلمت انك اعطيتينا اسئلة الامتحان

قلت : بسيطه احلمي الليله انك نجحتي هع هع

*****************

وحده من زميلاتي عصبت من وحده من الطالبات

وقالت لها : ياحشره

اليوم الثاني ام الطالبه جايه وتسأل عن الابله

وقالوا: شفيها هناك

يوم اقبلت الابله وتطلع الأم فليت وترش الابله

هههههههههههههههههههههههههههههه ههههه

قالت: عشان تعرفين منهو الحشره

طيب تتوقعون لو انا قلت لبنتها ياجزمه وش بتسوي هالأم ساعتها

يمكن تلبسني شراب


الحمد الله والشكر

ويقولون ماعاد للمعلمين هيبه

اقسم لكم بالله مافيه امل

بس بيني وبينكم فيه احترام لكن خوف ماعاد فيه
************
الطالبات يسألوني عن مراهقتي

قلت لهم ايام مراهقتي كنت اعلق صور سعد خضر وبشير غنيم

هذين ممثلين سعوديين من اصحاب البشره السمراء


قالوا طيب ياابله تضيفين شباب عالماسنجر

قلت لهم : بس عاااد بلا قلت ادب

اللي تقول الشباب بتطلع مع الباب

بيني وبينكم خفت انهبل واقول كل شى عاد تخبروني مااكتم السر

***************************


مره وانا ماره في ممرات المدرسه و فيه بنتين واقفين برا فصلهم

ووحده منهم تقول للثانيه :اللللله الابله مرررررره حلوه

شكلي ابخطبها لخوي

قمت وقفت بجمبها وقلت لها : اخوك يشبهك ؟

قالت : ايه

قلت : اجل ما ابغاه

هي تفشلت

وصديقاتها ماتوا من الضحك عليها

**************************


مره وقفت احتياط عند فصل من فصول الابتدائي

عاد سألتهم لغز يقول

(( ماهو .. اصفر اللون .. سارق عقول الكون ... وحارم الناس لذة النوم ))

قالتلي وحده منهم .. الحب

قمت ناظرتها بشده

وهي يتلون وجها من الفشيله

طبعاً الحل كان الذهب

***************************

ومره وحده في سنه خامس ابتدائى اعطتني اوتوجرافها

عشان اوقعلها فيه

أخذته وجلست اتصفحه لقيت وحده من زميلاتها كاتبه لها فيه

اتمنى لكي حياة اسريه وزوجية سعيده

وبين قوسين كاتبتلها

(( لاتنسين تعزمينا في فرحك ))

شكلها تحضر زواجات كثير

*******************

امتحنت طالباتي وامتحنوني

كل ماامتحنهم مايجاوبون

قمت قلت لهم ورب البيت اللي ماتجاوب في الامتحان الجاي

لعلق ورقه عند غرفة الحارس في الشارع

مكتوب فيها اسماء الطالبات الضعيفات

قالوا : عز الطلب ياابله

تسوين لنا دعااايه برا

بيعرفوا انه مالنا في الدراسه وينهبلون علينا الخطاب

قلت : خلاص دام الدعوه فيها خطاب

اكتب الضعيفات بإشراف المعلمة بشاير

خخخخخخخخخخخخخخخخخخخخخخخخخخخخخخ خخ

بغى يغشى عليهم من الضحك

دروا انى ماعندى سالفه






حتى الوحده فيهم لاجت تروح للحمام

ماتقول ممكن ياابله ؟ تقولي: بررب

اقسم بالله انهم مجانين

ههههههههههههههههههههههههه

وكل يوم ارجع من المدرسه

وشنطتي كلها قوارير بلو كوكتيل وبنك كاديه وبسكوت

****************************** *******

يوم لمست كتف وحده من الطالبات وانا اشرح

قامت تقهر زميلاتها وتغمز لهم يعني موتوا قهر الابله لمستني

خخخخخخخخخخخخخخخخخخخخخخخخخخخخخخ خخخخخخ

ويقولون لي ابله خلصي الدرس بسرعه عشان نقعد نسولف

ومع اني احيان اعصب واتلفظ عليهم

الا اني احبهم وكل خميس وجمعه افقدهم

**************************

مبرووووووك الف مبروووووك الوظيفه

والله يعينك ما ا اشتغلتي الا بالتدريس ووجع الراس

اما سوالف البنات خيااااااااال

وبالذات حركات المعجبات ههههههههههه

مره ارسلوني اعطي محاضره لبنات ثانوي

واقولهم عن وش التخصصات اللى يهيأون نفسهم لها للجامعه

المقصود التخصصات النادره اللى يتطلبها سوق العمل

ورحت المدرسه،، وشفت العجايب

وانكسر خاطري على جيلنا كيف كنا

والمصيبه انها مدرسه علميه فقط تاخذ البنات الشطار والنوابغ

اجل لو راحت مدرسه عاديه وش بشوف

والمشكله تقولين رايحه قاعة زواجات كلها اصوات وضحك

وانا استحي اقولهم اسكتوا عشان ابدا

ولما اتكلم كل شوي يقولوا ابله مانسمع

بغيت اقولهم انا مو طقاقه مثلكم صوتي يلعلع

بس احلى شي كلمة ابله وبالذات من الدلوعات اللى يطولون بالكلمه

ابى اطيح اذا سمعتها منهم

هههههههههههه

المهم خلصت محاضرتي وبدأت فترة النقاشات والتساؤلات

وتعالي شوفي طموحهم وش يبغون يدرسون

وربي سمعت وشفت العجب

وحده تقولي ابله نونا

ابغي اصير رائدة فضاء وش ادرس

انا اتورطت ما اعرف وش اقول لها

ووحده تقولي ابغي ادرس تخصص عن القنابل النوويه

وانا فاتحه فمي وعيوني ومستغربه

رايحه اعلمهم عن تخصصات معروفه مو تخصصات ماقد فكرت بها


غير حركاتهم الغريبه اللى تتبسم ونظرات نص كم

وانا ميته من الضحك عليهم

وغير اهداءات الورد وهالخرابيط

*********************
الرجوع الى أعلى الصفحة اذهب الى الأسفل
امي شمعتي
عضو بار
عضو بار


المشاركات : 165
تاريخ التسجيل : 21/07/2011
انثى

مُساهمةموضوع: رد: مواقف مضحكة للمعلمات   الخميس أغسطس 18, 2011 2:59 pm

هههههههههههههههههههههههههههههههه رورعة ياروعة
الرجوع الى أعلى الصفحة اذهب الى الأسفل
طلة قمر
عضو متألق
عضو متألق


المشاركات : 72
تاريخ التسجيل : 26/07/2011
انثى

مُساهمةموضوع: رد: مواقف مضحكة للمعلمات   الجمعة أغسطس 19, 2011 4:06 am

شكرا على اطرائك Very Happy ياعسل
الرجوع الى أعلى الصفحة اذهب الى الأسفل
 
مواقف مضحكة للمعلمات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــــنــــــتـــــدى جـــــنــــــتــــــــــي :: أسرة جنتي :: جمعة أهل-
انتقل الى: